सेवा निवृत्त सबै ब्रिटिश गोरखा सैनिक र तिनका परिवारलाई बेलायत सरकारले आवासीय -इन्डेफिनेट) भिसा दिने निर्णय गरेको छ। यसअघि सन् १९९७ पछि रिटायर भएकाहरुलाई मात्र यस्तो भिसा दिइँदै आइएको थियो।
यो निर्णयछि सम्पूर्ण भूतपूर्व गोरखा सैनिक एवं तिनका परिवारले वेलायतको आवासीय भिसा पाउने भएका छन्। वेलायत सरकारको सो कदमलाई एकीकृत भूतपूर्व ब्रिटिश गोरखा सैनिक संघले सकारात्मक भनी टिप्पणी गरेको छ।
यसैगरी एकीकृत भूतपूर्व ब्रिटिश गोरखा सैनिक संघका पदाधिकारीहरुले वेलायतको तल्लो सदन हाउस अफ कमन्सका सदस्यहरुसँग भेट गरेका छन्।
पेन्सन लगायतका सेवा सुविधाका सवालमा वेलायत सरकारसमक्ष आफ्ना मागहरु पुर्याउन नेपालबाट गएको एक टोली अहिले बेलायत भ्रमणमा छ। केही दिनभित्रै तल्लो सदनका अन्य सदस्यहरुसँग पनि संघका प्रतिनिधिले भेट गर्ने संघले जनाएको छ।
यसैगरी बेलायत सरकारको ध्यानाकर्षण गराउन आगामी सोमबार लन्डनमा संघको आयोजनामा शान्ति र्याली र संसद सदस्यसँग साक्षात्कार कार्यक्रम गर्ने निधो गरिएको छ।
