जेभियर एकेडेमीमा ११ कक्षामा अध्ययनरत १८ वर्षीया खुस्बु अ‍ोली यस वर्षकी मिस टिन नेपाल घोषित भएकी छिन्। बुधबार राति राजधानीमा आयोजित समारोहमा समिक्षा अधिकारी दोस्रो र समृध्दि राई तेस्रो भइन्।
काठमाडौं जेसिजद्वारा चौथो पटक आयोजित मिस टिन नेपाल प्रतियोगितामा अघिल्लो पटक उपाधि जित्ने प्रियङ्काले खुस्बुलाई ताज पहिराएकी थिइन्।
मानवका लागि शिक्षा, स्वास्थ्य र पैसामा कुन कुरा बढी महत्त्वपूर्ण छ भन्ने निर्णायकको प्रश्नको लिखित उत्तर दिँदै खुस्बुले शिक्षा भयो भने मात्र स्वास्थ्य बनाउन सकिन्छ र पैसा कमाउन सकिन्छ भन्ने जवाफ दिएकी थिइन्।30

जनआन्दोलनका बेला भएको दमनको छानविन गरी दोषी पत्ता लगाइ कारवाहीको लागि सिफारिस गर्न गठित उच्चस्तरीय छानविन आयोगले राजा ज्ञानेन्द्रसँग छिटै बयान लिने जनाएको छ।
आयोग परिसर हरिहरभवनमा बिहीबार सं‍चारकर्मीहरुसँग कुरा गर्दै अध्यक्ष कृष्णज‍‍ग रायमाझीले राजा ज्ञानेन्द्रसँग मन्त्रीपरिषद्को अध्यक्षको रुपमा जनआन्दोलनमा भएको दमनमा उनको भूमिका बारेमा बयान लिन लागेको बताउनु भयो। अध्यक्ष रायमाझीले राजासँग बयान लिने प्रक्रिया र मितिको बारेमा आयोगमा गृहकार्य भैरहेको बताउनु भयो।
अध्यक्ष रायमाझीले आयोग जनताप्रति पूर्ण रुपमा बफादार रहेको दोहोर्‍याउनु हुदै भन्नुभयो हामी खुट्ट कमाउँदैनै संविधान र कानून बमोजिम सबैसँग बयान लिन्छौ।
उहाँले आयोगले राजाको रुपमा नभै मन्त्रीपरिषद्को अध्यक्षको रुपमा बयान लिन लागेको बताउनु भयो।
उहाँले हालसम्म बयान दिएका अधिकांशहरुले तत्कालिन मन्त्रिपरिषद्का अध्यक्षले पनि दमनको जिम्मेबारी लिनुपर्छ भनेको छन् भन्नुभयो।
यसैबीच उच्चस्तरीय छानवीन आयोगले राजा प्रमुख सचिव पशुपतिभक्त महर्जनसँग बयान लिएको छ।
बयानका लागि बोलाएको समय बिहीबार बिहान ११ नै आयोग पुगेका महर्जनले उनलाई नचिनेर अलमलिएका संचारकर्मीहरुलाई आफू पशुपतिभक्त महर्जन हुँ भन्दै चिनाएका थिए।
बयान दिएपछि संचारकर्मीहरुसँग कुनै प्रतिक्रिया नमानेका महर्जनले बयान दिदाँ जनआन्दोलनमा आफ्नो कुनै भूमिका नभएको बताउँदै आफू कर्मचारी मात्रै भएको बताएका थिए।
आयोगले महर्जनसँग साढे २ घण्टा बयान लिएको थियो। छानविन आयोगले पहिलो पटक राजदरवारसँग सम्बन्धित व्यक्तिलाई आयोगमा बोलाएको हो।

भर्खरै युध्द थामिएको मध्यपूर्वको देश लेबनानमा शान्ति स्थापनाका लागि नेपाली सेनाको टोली जाने भएको छ। सरकारले संयुक्त राष्ट्रसङ्घको अनुरोधमा लेवनानमा कार्यरत युनिफिल मिसनमा शान्ति स्थापनार्थ नेपाली सेनाको टोली पठाउन सैद्धान्तिक स्वीकृति दिएको छ। मन्त्रिपरिषद्को सोमबारको बैठकले गरेको निर्णय अनुसार त्यहाँ खटिने नेपाली सेनाको सङ्ख्या ८५० सम्म रहनेछ।

 आइतबार कोरिया

आन्याङ सेन्टरमा स्वागत, भेटघाट तथा अर्न्तक्रिर्या कार्यक्रम सम्पन्न भएको थियो जसको आयोजना प्रवासी पत्रकार संघ र नेपाली सम्पर्क समिति (एनसीसी) ले गरेको थियो । उक्त कार्यक्रमका मुख्य अथितिमा नेपालको श्रम तथा यातायात व्यवस्था राज्यमन्त्री रमेश लेखक हुनुहुन्थो ।

इन्टरनेशनल लेभर अर्गनाइजेसन (आई एल ओ) को १४औं रुसियाली वैठकमा भाग लिनआइपुग्नु भएका श्रम तथा यातायात ब्यवस्था मन्त्री तथा सरकार माओवादी वार्ता टोलीका सदस्य लेखकले अन्तरक्रिया कार्यक्रमका क्रममा उठेको प्रश्नको जवाफ सहजरुपमा दिदै वार्ता सफल हुने कुरामा आफु विश्वस्त रहेको बताए पनि राजा राख्ने वा फ्याक्ने भन्ने सवालमा संविधान सभाको निर्वाचनले नै निर्णय गर्ने बताउनु भयो । उहांले नेपालको कुल अर्थतन्त्रको २५ प्रतिशत प्रवासी नेपालीले धानेको बताउदै वैदेशिक रोजगार प्रणालीलाई पारदर्शी एवं सर्वसुलभ बनाउन प्रयत्न गर्ने विचार व्यक्त गर्नुभयो
मुनड्रप्स ओभरसिजको वारेमा उहांले भन्नुभयो मुनड्रप्स मेनपावरले अत्यन्तै बढी पैसा लिएको कारण यस मेनपावरवाट कोरिया पठाउन रोक्नुपर्छ भन्ने निर्णय भएको हो । तर उसलाई त्यो अधिकारवाट बञ्चित गराउंदा कोरिया सरकारले नेपाललाई दिएको कोटा काट्ने र आगामी वर्ष देखि लागूहुने इपिएसमा पनि नेपाल नपर्ने बताएपछि मन्त्रिपरिषदले एकपटक मुनड्रप्सलाई दिने निर्णय गरेको हो । तर वास्तविकता पहिल्याएर कार्वाही गर्नुपर्छ भन्ने मान्यता मेरो पनि हो । उक्त कार्यक्रममा नेपाल वौंद्ध परिवारका अध्यक्ष तथा अन्र्तराष्ट्रिय ऐक्यवद्धताका लागि नेपाली पत्रकार समुहका सचिव नरेन्द्र गुरुङ्ग प्रवासी मजदुर युतियनका उपाध्यक्ष काजीमान खापुङ्गले कोरियामा नेपालीले भोग्नुपरेका विविध समस्याबारे प्रकाश पार्नुभएको थियो भने कोरियामा रहेका विद्यार्थीको संगठन सन्सिकका अध्यक्ष प्रमोद श्रेष्ठले विद्यार्थीका समस्या प्रस्ट पादैं श्रम तथा यातायात व्यवस्था  मन्त्रीलाई ज्ञापनपत्र वुझाउनु भयो । सन्सिकको ज्ञापनपत्रमा भनिएको छ, दक्षिण कोरियामा दुतावास नहुँदा यहाँका हरेक क्षेत्रसँग सम्वन्धित नेपालीले घर विनाको अनाथको अनुभव गरेका  छौं । कोरियामा पनि हेर्न दुतावासबाट आवश्यक सहयोग नभएकोले यथाशिघ्र कोरियामा नेपाली दुतावास स्थापना गरियोस वर्षेनि सयौं विद्यार्थी तथा हजारौं कामदार र अन्य व्यवसायी कोरियातर्फ आर्कषित भइरहेको परिपेक्षमा  दुई देश विचको सम्वन्ध विस्तार एवं पर्यटन पर्वधन समेतलाई मध्यनजर गरी सिधा हवाई सम्पर्क स्थापित गरियोस ।नेपाली सम्पर्क समिति अध्यक्ष वमप्रसाद लावतीको सभापतित्वमा सम्पन्न उक्त कार्यक्रमको संचालन नेसस सचिव केशव खड्काले गर्नुभएको थियो भने सहसचिव माधवी भट्टले स्वागत मन्तव्य गर्नुभएको थियो ।

भि.डि.यो हेर्नलाई फोटोमा थिच्नुहोस

 कोरियामा
आज भोली दिन प्रति दिन धडपकड जारीछ । गत ८ को २६ तारिखका दिन दिउसो कामगारि 
रहेका  प्रवासी साथिहारुलाई खाना खाने समय मौकापारी २ जना इर्मिगेसन र ६ जना पार्ट टाइम 
काम गर्ने ले कुम्पो स्थित YTमुल्टेक कम्पनिमा छापार्मादा २ जना केटी र ३ जना केटालाई
पक्राउ गरेको छ । पक्राउ पर्नेमा (नेपाली १ जना भियतनाम १ जना ) बंगाली २ फिलिपिनस १
परेको जानकारी छ ।  

समलिङ्गी विवाहः राजधानीमा दुई अपरिचित युवा २५ वषिर्य अनिल महजु र २१ वषिर्य दिया कास्यापले समलिङ्गी विवाह गरेका छन् । नेपालमा समलिङ्गी विवाहलाई सामाजिक तथा कानुनी मान्यता नभएपनि बेला बेला यसप्रकारको विवाह हुने गरेको छ। हाल आएर समलिङ्गीहरुले पनि कानुनी मान्यताका लागि संघर्ष गरिरहेका छन् ।

गित सुन्नलाई फोटोमा थिच्नुहोस ।