उत्तम गुरुङ
दक्षिण कोरिया

नेपाली प्रवासी पत्रकार संघ दक्षिण कोरियाका सभापति डम्बर सुब्बाको सभापतित्वमा शनिबार कोरियाको राजधानी सिउलमा बसेको तेस्रो पूर्ण बैठकले कार्य समितिलाई पूर्णता दिंदै देशमा हालै सम्पन्न ऐतिहासिक शान्ति सम्झौताको अक्षरशः कार्यान्वयन गर्न माग गर्ने निर्णय गरेको छ। नेपाल पत्रकार महासंघ केन्द्रीय समितिको बनेपामा महासंघका अध्यक्ष विष्णु निष्ठुरीको अध्यक्षतामा बसेको आठौं बैठकले नेपाली प्रवासी पत्रकार संघ दक्षिण कोरियालाई सम्पर्क समितिको मान्यतालाई अनुमोदन गरेकोमा बैठकले हार्दिक धन्यवाद दिंदै खुसियाली ब्यक्त गरेको छ । दक्षिण कोरियाको राजधानी सिउलस्थित हिमालयन रेष्टुरेण्टमा बसेको बैठकले नेपाली प्रवासी पत्रकार संघ दक्षिण कोरियालाई पूर्णतासमेत दिएको छ । उक्त बैठकले फोटो पत्रकार उत्तम गुरुङलाई संघको उपाध्यक्षमा निर्विरोध चयन गरेको छ भने अन्य दुई सदस्यमा राप्के लामा र पुरु जोशीलाई चयन गरेको छ । यसैगरी उक्त बैठकले सल्लाहकारहरुमा एनआरएन-आइसीसीका केन्द्रीय प्रतिनिधि रुद्र शर्मा, नेपाल बौद्ध परिवार तथा नेपाली जनसम्पर्क समिति दक्षिण कोरियाका उपाध्यक्ष नरेन्द्र गुरुङ र नेपाली सम्पर्क समिति दक्षिण कोरियाका सहसचिव सुरेश कुमार लिम्बूलाई चयन गरेको छ । यस्तै उक्त बैठकले केही दिन अगाडि सरकार र माओवादीबीच भएको ऐतिहासिक शान्ति सम्झौता अक्षरशः लागू गर्न आग्रह गरेको छ । उक्त बैठकपछि संघका सचिव भूपेन्द्र आचार्यद्वारा जारी विज्ञप्ति अनुसार शान्ति सम्झौतालाई सम्झौतामा मात्र सीमित नगरी कार्यान्वयन गर्ने तर्फ सबै तहबाट ध्यान केन्द्रित गरी आम नेपालीको वास्तविक स्थायी शान्तिको चाहना पूरा हुने त्यसतर्फ लाग्नुपर्छ भनिएको छ । साथै स्थायी शान्ति बहालीसँगै पूर्ण प्रेस स्वतन्त्रता, मानव अधिकार र जनताका अधिकारलाई स्थापित गर्ने, संविधानसभामार्फत लोकतान्त्रिक गणतन्त्र स्थापना गर्ने कार्यमा आगामी दिनमा पनि निरन्तर क्रियायाशील रहने प्रतिबद्धता बैठकमा पारित गरेको छ।

नेपाल-कोरिया साँस्कृतिक मञ्चले नयाँ वर्षको उपल्क्षयमा यहि वर्षको अन्तिम दिन अर्थात 31 December का दिन नेपालका ख्याति प्राप्त कलाकारहरुको साथमा कोरियाको तोङदेमुनको छोङरो खुमिन ह्‍वेग्वान हलमा साँस्कृतिक कार्यक्रमको आयोजना गर्ने भएको छ। कार्यक्रमको विस्तृत जानकारीको लागी फोटोमा क्लिक गर्नुहोस् ।

अफ्रिकाको खाचा बिउरी भन्‍ने एक गाउँमा ८ वटा हातखुटटा भएको बच्‍चाको जन्‍मले बिश्‍वलाई 
चकित बनाएको छ । सो बच्‍चाको ४ वटा हात र ४ वटा खुट्‌टा भएको बताएको छ । हालमा सो
बच्‍चाको रेखदेख अन्‍तराष्‍िट्रय शिशु स्‍याहार केन्‍द्र द्धारा भई रहेको बताएको छ । बच्‍चा बाँच्‍न सक्‍छ
या सक्‍दैन भन्‍ने बारे अनुशन्‍धान भई रहेको छ । 

कान्तिपुर संवाददाता काठमाडौं, कार्तिक ३० - नेपाल पत्रकार महासंघले ‘सञ्चार र पत्रकारितामा महिला समानतासम्बन्धी बडापत्र’ बिहीबार अनुमोदन गरेको छ । अन्तर्राष्ट्रिय पत्रकार महासंघ -आईएफजे) र महासंघद्वारा आयोजित दुईदिने ‘लैंगिक समानतासम्बन्धी सञ्चार सम्मेलन’ का सहभागीले बडापत्र तयार गरेका हुन् । पाँचबुँदे बडापत्रमा संसदको घोषणाअनुरूप सबै तहमा कम्तीमा ३३ प्रतिशत महिला पत्रकार हुनुपर्ने, नियुक्ति, भर्ना तलब, भत्ता तथा सुविधामा विभेद हटाउनुपर्ने, शिशु स्याहार केन्द्र, छुट्टै शौचालयलगायत लैंगिक मैत्री वातावरण हुनुपर्ने उल्लेख छ । यस्तै, राजनीति, अर्थ, परराष्ट्रलगायत मूलधारका रिपोर्टिङमा पत्रकार महिलालाई संलग्न गराउनुपर्ने लगायत सुझाव बडापत्रमा छ । बडापत्रलाई अनुमोदन गर्दै महासंघका महासचिव महेन्द्र बिष्टले कार्यान्वयनामा आफूहरूले पहल गर्ने प्रतिबद्धता व्यक्त गरे । महासंघमा पत्रकार महिलाको सहभागिता बढाउने तयारी भइरहेको जानकारी दिँदै उनले भने- ‘सञ्चार गृहमा महिला उपस्थिति बढाउन अभियान थाल्ने छौं ।’ महासंघले संशोधन गर्न लागेको विधानमा लैंगिक समानताका दृष्टिले थुप्रै परिवर्तन गर्न लागिएको उनले बताए । ‘प्रवेश विन्दुमा सकारात्मक व्यवस्था गर्ने, शाखा, पार्षद तथा केन्द्रीय कार्यसमितिमा पनि पत्रकार महिलाका लागि अनिवार्य उपस्थिति हुने व्यवस्था त्यसले गर्नेछ,’ उनले भने । महासंघका ५ हजार ३५ साधारण सदस्यमध्ये ४ सय ३० पत्रकार महिला छन् । यस्तै, ८ सय ५ केन्द्रीय प्रतिनिधि -पार्षद) मध्ये ३१ महिला रहेको बिष्टले बताए । केन्द्रीय कार्यसमितिमा निर्वाचित उम्मेदवारमा एक जना पनि महिला छैनन् । एक जनालाई मनोनीत गरिएको छ

आगामी बर्ष सन २००७ मा प्रकाशन हुन गई रहेको कि.राई परिवारको मुखपत्र ’सुम्‍िनमा’का लागि 

सम्‍पुर्ण लेखकवर्गमा आफ्‍नो लेख , रचना र संघसंस्‍था तथा व्‍यापार,व्‍यवसायीहरूले शुभकामना तथा 

विज्ञापन दिई सहयोग गरी दिन हुन अनुरोध गर्दछौ ।
 
                                                                                  कि.राई परिवार द. कोरिया

हिजो ५ तारिखको दिन ईराकी अदालतले भूतपुर्व ईराकी राष्‍ट्रपति सद्दाम हुसेनलाई मृत्‍यू दण्‍डको 

सजाय सुनाएको छ्‍। ईराकी अदालतले भूतपुर्व राष्‍ट्रपति सद्दाम हुसेनलाई १९८२ मा तुजाईल गाउँका 

१४८ सियापा जातिको हत्‍या  तथा कठोर यातना दिएको पुष्‍िट गरेको छ्‍। 

सदाम हुसेनको शासनकालका अन्य नेताहरुमा  हत्‍या गर्ने आदेश दिने न्‍यायधिश आलबान्‍दार र गुप्‍चर 

बिभागका निर्देशक आलटिकरिटीलाई पनि मृत्‍यू दण्‍ड र उपराष्‍ट्रपति रामादानलाई आजीवनकारावास तथा 

अन्‍य ३ नेताहरूलाई १५ बर्ष जेल चलान सजायको फैसला सुनाएको छ्‍।

 यस फैसला संगै इराकमा हिंसा बढ्ने आशंका भएकोले सुरक्षा व्यवस्था कडा गरिएको छ ।

भूपेन्द्र आचार्य

नेपाल जापान डट कमका कोरिया प्रतिनिधि एवं अन्तर्राष्ट्रिय ऐक्यवद्धताका लागि नेपाली पत्रकार समूह दक्षिण कारियाका अध्यक्ष राजु पाठक प्रवासीले दक्षिण कोरियाको ह्वासङ स्थित जेलबाटै वक्तव्य जारी गर्दै आफूलाई त्यहाँ मानसिक यातना दिएको बताउनु भएको छ। पत्रकार पाठकद्वारा जारी वक्तव्यमा भनिएको छ, आफूलाई पत्रिकासम्बन्धी काममा जाँदै गर्दा इन्छनको बुफ्यङमा कोरिया सरकारले अमानवीय ढंगबाट पक्राउ गरी मानसिक यातना दिइरहेको छ । आफू सधैं प्रेस स्वतन्त्रताका लागि लडिरहेको उल्लेख गर्दै उहाँले आगामी दिनमासमेत आफ्नै देशमा रहेर पनि यस घटनाविरुद्ध लड्ने प्रतिवद्धता व्यक्त गर्नु भएको छ । नेपाल प्रवासी पत्रकार संघ जापानका केन्द्रीय सदस्य समेत रहनु भएका पत्रकार पाठकले दक्षिण कोरियामा नेपाली पत्रकारितालाई अन्त्य गर्न दक्षिण कोरिया सरकारले आफूलाई पहिलेदेखि नै निगरानी गरेको समेत खुलासा गर्नु भएको छ । उहाँले कोरियामा रहेका सम्पूर्ण संघसंस्थाहरुबीच ऐक्यबद्धताका साथ कोरिया सरकार र यसका मतियारहरुकाविरुद्ध लड्न आग्रह गर्नु भएको छ । वक्तव्यमा भनिएको छ, सम्पूर्ण पत्रकार सहयात्री साथीहरुले यसप्रकारको धरपकडबाट जोगिएर पत्रकारितालाई अझ सशक्त बनाउँदै लाने विश्वाससमेत पाठकले व्यक्त गर्नुभएको छ। यसैगरी नेपाल पत्रकार महासंघ नेपालका सभापति विष्णु निष्ठुरीले उक्त घटनाको घोर निन्दा र भर्त्सना गर्नु भएको छ । उहाँले नेपाल प्रवासी पत्रकार संघ कोरियाका महासचिव भूपेन्द्र आचार्यसँग टेलिफोन कुराकानीमा उक्त कुराको जानकारी गराउनुभएको हो । सभापति निष्ठुरीले उक्त घटनाबाट कोरियाको नेपाली पत्रकारितामाथि अपूरणीय क्षति भएको बताउँदै यसकाविरुद्ध कोरियामा रहेर पत्रकारिता गर्दै अन्य व्यक्ति र संस्थाहरु लाग्नुपर्ने बताउनुभयो । उहाँले भन्नु भएको छ, कोरिया सरकारले पत्रकारहरुको संरक्षण गर्नुको साटो दिन दहाडै पत्रकारितासम्बन्धी कार्य गर्न जाँदै गर्दा बाटोमा अवैधानिक ढंगबाट पत्रकार पाठक पक्राउलाई गरिनु कोरिया सरकारको नाङ्लो ठटाएर हात्ती तर्साउने खेल भए पनि यस घटनाले कोरियाको नेपाली पत्रकारिता अझ फस्टाउने कुरामा आफू विश्वस्त रहेको बताउनुभयो ।

कोरिया सरकारले आफूलाई जेलभित्र मानसिक यातना दिइरहेको र अमानवीय तरिकाले जेल भित्र चिसो सिंडीमा राखेको समेत बताउनुभयो । उहाँले कोरिया सरकारविरुद्ध र आफ्नो पक्षमा सहानुभूति राखी प्रेस वक्तव्य दिने संघ संस्थाहरुका प्रतिनिधिहरुलाई धन्यवाद दिनु भएको छ । अन्त्यमा प्रवासी भूमिमा रहेर निरन्तर पत्रकारिता गर्ने संस्थाहरु ऐक्यबद्धता समूह अन्तर्राष्ट्रिय ऐक्यबद्धताका लागि पत्रकार समूह र नेपाली प्रवासी पत्रकार संघ दक्षिण कोरिया आफू अनुपस्थित रहेपनि अझै सशक्त भएर अगाडि बढ्ने छन् भन्ने कुरामा आफू पूर्ण रुपमा विश्वस्त रहेको कोरिया सरकारलाई जानकारी दिन्छु पाठकले आफ्नो वक्तव्यमा भन्नुभएको छ।