प्रहरीले सोमबार धरानबाट हतियार र लागूऔषधसहित लिम्बुवान कार्यकर्तालाई पक्राउ गरेको छ । इलाका प्रहरी कार्यालय धरानबाट सादा पोसाकमा खटिएका प्रहरीले कटुवा पेस्तोल र लागूऔषधसहित लिम्बुवान कार्यकर्ता प्रताप लिम्बूलाई पक्राउ गरेका हुन् ।
सुनसरीको पाँचकन्या-५ का २८ वषर्ीय लिम्बूको साथबाट कटुवा पेस्तोल, त्यसमा प्रयोग हुने २ थान गोली, चुप्पी, नाइट्रोजन र स्पास्मोप्रोक्सी बरामद गरेको छ ।
इलाका प्रहरी कार्यालय धरानका प्रमुख कोमल शाहले लिम्बूसँग हतियार रहेको सूचना पाएर लिम्बूलाई धरानको भानुचौक नजिकबाट पक्राउ गरिएको बताउनुभयो । उहाँले लिम्बू पक्राउ परेपछि पाँचकन्यास्थित उनको घरबाट हतियार बरामद भएको जानकारी दिनुभयो ।
शाहले पक्राउ परेका लिम्बूलाई हातहतियार तथा खरखजाना ऐनअर्न्तर्गत कारवाही चलाउने बताउनुभएको छ । पाँचकन्यास्थित जिविसको ढाटमा बसेर लिम्बुवानका लागि कर संकलन गर्ने गरेको र आफू सङ्घीय लिम्बुवान राज्य परिषद्को पाँचकन्या संयोजक भएको लिम्बूले बताएका छन् ।
उनले जोगबनीबाट लामो समय अघिदेखि लागूऔषध ल्याएर सेवन गर्ने गरेको समेत बताएका छन् । लिम्बूले बरामद हतियार भने आफूले बाटोमा भेटेर घरमा राखेको दावी गरेका छन् । उता सङ्घीय लिम्बुवान राज्य परिषद्ले भने हालसम्म कुनै प्रतिक्रिया र्सार्वजनिक गरेको छैन

पुनरावेदन अदालत, धनकुटाका रजिष्ट्रार यादव घिमिरे आइतबार सरकारी नम्बर प्लेटको सेन्ट्रो गाडी लिएर आफ्ना दर्ुइ छोरासहित यहाँस्थित ससुराली आउनुभएको छ ।
ब्ाा.१झ ७००१ नम्बरको सेन्ट्रो गाडी चढेर आउनुभएका उहाँ र उहाँका दर्ुइ छोरा इटहरी-१ स्थित ससुरा सतिसचन्द्र लम्सालको घरमा चार घण्टासम्म बस्नुभएको थियो । ससुराली घर जानुअघि उहाँ र छोराहरुले सोही गाडीमा जनता प्राविको मैदानमा सञ्चालन भइरहेको नवाह महापुराणमा पुगेर युवा पण्डित दीनबन्धु पोख्रेलको हातबाट टीका थाप्नुभएको थियो । उहाँ आपैFmले गाडी चलाउनुभएको थियो । ससुराली घरमा बसिरहेका रजिष्ट्रार घिमिरे र गाडीलाई इटहरी युथफोर्सले आधा घण्टा नियन्त्रणमा लिएर कडा चेतावनी दिँदै छाडेको थियो । युथफोर्सका इटहरी अध्यक्ष गणेश बुढाथोकीको नेतृत्वमा पुगेको टोलीले घिमिरेलाई नियन्त्रणमा लिई केरकार गरेको थियो ।

(more…)

लागूऔषध ओसारपसारमा जोगीको भेषधारण गर्ने गिरोह सक्रिय रहेको तथ्य फेला परेको प्रहरीले जनाएको छ । बिहीबार प्रहरीले लागूऔषधसहित पक्राउ गरेका एक युवकले ओसारपसारमा जोगीहरु संलग्न हुने गरेको बताएका हुन् । जोगीमाथि कसैले शङ्का नगर्ने भएकाले धरानमा लागूऔषधको व्यापार जोगीहरुबाटै हुने गरेको उनले जानकारी दिएका छन् । इलाका प्रहरी कार्यालय, धरानबाट सादा पोसाकमा खटिएको प्रहरी टोलीले लागूऔषध बोकेर हिँड्दै गरेको अवस्थामा धरान-७ का ३० वषर्ीय विकास श्रेष्ठलाई बिहीबार पक्राउ गरेको थियो । उनले भानुचौकमा जोगीसँग एक बोतल कोरेक्स मागेको र नदिएपछि चोरेर हिँडेको बताएका छन् । प्रहरीले उनको साथबाट १६ बोतल कोरेक्स, ७८ चक्की स्पास्मो प्रोक्सिवन र ४० चक्की नाइट्रोजन बरामद गरेको छ ।
जोगीहरुले सीमावर्ती बजार जोगबनीबाट लागूऔषध ल्याएर विराटनगर, इटहरी, धरानलगायतका सहरमा बेच्ने गरेको उनले खुलासा गरे । एकजना पर्ूव लागूऔषध प्रयोगकर्ताले नाम उल्लेख नगर्ने र्सतमा दिएको जानकारीअनुसार भारतीय जोगीहरु लागूऔषधको व्यापार गर्न पर्ूवका प्रमुख सहरहरुमा आउने गरेका छन् । ती जोगीले स्थानीय लागूऔषध प्रयोगकर्ताहरुबाट भारी रकम लिएर ब्राउनसुगर, हिरोइनजस्ता लागूऔषधसमेत बिक्री गर्ने गरेको उनको दावी छ । कतिपय नेपाली युवाले पनि जोगीको रूप धारण गरेर जोगबनी, अररिया, सिलिगुडीलगायतका भारतीय बजारबाट लागूऔषध ल्याउने गरेका छन् । उनका अनुसार जोगीहरुले सीमावर्ती नाका र लागूऔषध बिक्री गरिने सहरका उच्च प्रहरी अधिकारीहरुलाई पनि पैसा दिने गरेका छन् ।
प्रहरीकै संरक्षणमा नाकाबाट ठूलो परिमाणमा लागूऔषध भित्रिने गरेको पनि उनको आरोप छ । प्रहरीले सजिलै छाडिदिने गरेकाले पनि प्रयोगकर्ता र बिक्री गर्ने गिरोहको मनोबल बढेको स्रोतको दावी छ । श्रेष्ठलाई भने इलाका प्रहरी कार्यालयले शुक्रबार नै जिल्ला प्रशासन कार्यालयमार्फत् सात दिनको म्याद थप गरी अनुसन्धान थालेको बताएको छ । इलाका प्रहरी कार्यालयको मुद्दा फाँटका हवल्दार हरि सापकोटाका अनुसार उनलाई लागूऔषध नियन्त्रण ऐन २०३३ अनुसार मुद्दा दायर गरिएको छ । प्रहरी निरीक्षक कोमल शाहले थप अनुसन्धान भइरहेको बताउनुभएको छ । प्रहरीसँग मिलेमतो हुने कुरा आफूलाई थाहा नहुने उहाँले बताउनुभयो ।

४ महिना पुगेको जुम्‍ल्‍याहा बच्‍चाहरु साउदी अरबको एक हस्‍पिटल सुतिरहेको दृस्‍य ।

तर्राईका आठवटा सशस्त्र समूहले बिहीबार पाँच सदस्यीय वार्ता टोली गठन गरी आफूहरु वार्तामा बस्न तयार रहेको पत्र सरकारलाई पठाएका छन् । सरकारलाई पत्र पठाउने समूहहरुमा जनतान्त्रिक तर्राई मुक्ति मोर्चा, जनतान्त्रिक तर्राई मुक्ति मोर्चा -रणवीर सिंह), तर्राई संयुक्त जनक्रान्ति पार्टर्ीीजनतान्त्रिक तर्राई मुक्ति मोर्चा -पवन समूह), जनतान्त्रिक तर्राई मुक्ति मोर्चा -राजन मुक्ति समूह), मधेस भाइरस किलर्स र तर्राई आर्मी रहेका छन् ।
टोलीको नेतृत्व जनतान्त्रिक तर्राई मुक्ति मोर्चा -रणवीर समूह)का प्रवक्ता विवस व्रि्रोहीले गरेका छन् । उनीहरुले मुद्दा फिर्ता, एक मधेश एक प्रदेश, कार्यकर्ता रिहा र वार्ता टोलीको सुरक्षाको ग्यारेण्टी माग गरेका छन् ।
मधेश जनतान्त्रिक पार्टर्ीीmान्तिकारीका अध्यक्ष सन्देशको हस्ताक्षर रहेको पत्रमा वार्ताका लागि सहज वातावरण बनाउन सरकारलाई आग्रह गरिएको छ । यसअघि सरकारले वार्ताको आह्वान गर्दै सशस्त्र समूहहरुलाई औपचारिक-पत्र पठाएको थियो । यसैबीच सरकारले सशस्त्र समूहबाट प्राप्त पत्र सकारात्मक भएको भन्दै स्वागत गरेको छ । पत्र प्राप्त भएपछि सञ्चारकर्मीसँग कुरा गर्दै शान्ति तथा पुनःनिर्माण मन्त्री जनार्दन शर्मा ‘प्रभाकर’ले पत्र सकारात्मक भएको टिप्पणी गर्नुभयो । मन्त्री शर्माले वार्ता समितिका अरु सदस्यसँग सल्लाह गरेर सशस्त्र समूहलाई अर्को पत्र पठाइने जानकारी दिनुभयो । ज्वाला सिंह र जयकृष्ण गोइत समूहले भने आफूहरुले सरकारको पत्र नपाएको बताएका छन् । सिंहले बुधबारमात्र एक र्सार्वजनिक कार्यक्रममार्फत् सरकारसँग वार्ताका लागि आफूहरु तयार भएको प्रतिक्रिया दिएका थिए

कोसी कटान नियन्त्रणको काममा भारतीय ठेकेदार कम्पनीले ठगि गरेको भन्दै नेपाली ठेकेदारहरुले बाँध पुनःनिर्माणमा अवरोध गर्ने चेतावनी दिएका छन् । ठेकेदारहरुले आफूहरुले काम गरेवापतको ७० लाख रुपैयाँ भुक्तानी माग्दा उल्टै ज्यान मार्ने धम्की दिएको आरोप लगाएका छन् । बिहीबार यहाँ पत्रकार सम्मेलन गरी पाँचवटा पीडित ठेकेदार कम्पनीहरुले भुक्तानी नपाए कोसी बाँध पुनःनिर्माणमा बाधा पुर्‍याउने चेतावनी दिएका हुन् ।
(more…)

सीमामा खटिएका नेपाल प्रहरी र सशस्त्र प्रहरीसँगको मिलेमतोमा व्यापारीहरुको एक समूहले सुनसरीको सीमावर्ती नाकाबाट दैनिक करौडौको समान तस्करी गर्दै आएको पाइएको छ । भ्ाारत बसमतियाका तीन जना, सुनसरी भुटाहाका एक जना र इनरुवाका दुइ जना ठूला व्यापारीहरुको संगठित गिरोहले नेपालको सीमा क्षेत्रमा रहेका प्रहरी र भारतको सीमामा बस्ने सिमा सुरक्षा बलका अधिकारीहरुसँगको मिलेमतोमा दैनिक ५ करोड बराबरका सामानहरु अवैध ढङ्गले तस्करी गर्दै आएको सिसुवाधरपुरका स्थानीय बासिन्दाले जानकारी गराएका छन् ।

(more…)

वीपी कोइराला स्वास्थ्य विज्ञान प्रतिष्ठानको लापरवाहीका कारण झण्डै एक महिना अगाडिदेखि सीटीस्क्यान र एमआरआई मेसिन बिग्रिएर थन्किएका छन् । मेसिन बिग्रिँदा बिरामीहरु अन्यत्र गएर महङ्गो मूल्य तिर्न बाध्य भएका छन् । बुधबार भएको दर्ुघटनाका घाइतेहरुलाई पनि सीटीस्क्यानका लागि प्रतिष्ठानले विराटनगर लैजान सिफारिस गरेको छ ।
दैनिक आठ देखि १० जनासम्म सीटीस्क्यान र एमआरआई गराउन झण्डै आधा दर्जन बिरामी प्रतिष्ठानमा आउने गरेका छन् । बिरामीहरु हाल सीटीस्क्यान र एमआरआईका लागि विराटनगरस्थित निजी अस्पताल जान बाध्य छन् । प्रतिष्ठानको सीटीस्क्यान विगत दर्ुइ वर्षेखि ब्रि्रँदै र सामान्य मर्मतपछि सञ्चालन हुँदै आएको थियो । सीटीस्क्यान मर्मतका लागि अझै एक महिनाभन्दा बढी लाग्ने प्रशासन शाखाका अधिकृत सागर ताम्राकारले बताउनुभयो । एमआरआईका बारेमा भने उहाँले केही बताउन चाहनुभएन । प्रतिष्ठानले नयाँ सीटीस्क्यान मेसिन ल्याउने तयारी गरिरहेको पनि उहाँले जानकारी दिनुभयो ।