कोरियामा रहदै आएका नेपालीहरुको आफ्नै संघ संस्था पार्टि वेबसाइट
ब्लग साइटहरु छन । जसमा किराँत याक्थुङ चुम्लुङ पनि एकहो जुन
संस्थाले पनि हाललाई अस्थाई ब्लकसाइट संञ्चालन गर्न लागिरहेको
छ । साइट हेर्नलाई भित्र आउनुहोस । chumlungkorea.blogsome.com
राप्ती सम्पर्क मञ्च दक्षिण कोरियाद्वारा आयोजीत सास्कृतीक कार्यक्रम सम्पन्न ।
नेपालबाट ख्याती प्राप्त हास्यकलाकार सीताराम कटेल,कुन्जना घिमिरे,केदार घिमिरे
पप गायक दिपक लिम्बू,लोक गायिका कोमल ओली,लोक गायक बिमलराज क्षेत्री
आउनु भएको थियो ।दोङगुक युनिभर्सिटीमा सम्पन्न उक्त कार्यक्रममा प्रमुख अतिथी
राजदूत श्री कमल प्रसाद कोइराला,कोरियन छाबिए आमा पनि उपस्थित हुनुभएको थियो अदक्ष्य राजिब कडेलले जुन उठेको सहयोग रकमबाट राप्ति अञ्चल
हस्पिटल निर्माण गर्ने पनि बताउनु भयो ।
आज भोली हरेक घर,स्कुल,कलेज,हस्पिटल लगायत उधोग,व्यापार,व्यावसायमा कम्प्युटरको
प्रयोग भईरहेको पाईन्छ । यो आधुनिक प्रतिस्प्रधात्मक विश्वमा कम्प्युटरको प्रयोगले ठुलो
भुमिका खेलिरहेको छ । भने यसले हाम्रो दैनिक जीवनका हरेक का्र्यलाई प्रभावीत पारिरहेको
हुन्छ । हिजोसम्म विध्या,धन,मान,सम्मानका लागी साक्षर हुनु आवश्यक मानिन्थ्यो ।
तर आजको सुचना प्रविधिक युगमा परम्परागत साक्षरताले मात्र नपुग्ने प्रमाणीत भएको छ।
कम्प्युटरको साक्षरता विना अबको समाजमा साधारण जीवन जिउन पनि असम्भव देखिन्छ ।
गाँस,बास,कपास जस्तै कम्प्युटर शिक्षा जीवनको एक अभिन्न अंग बनेको छ ।भनिन्छ
कम्प्युटर सिके केहि गरिन्छ,नसिके पछि परिन्छ ।
खुशिको कुरा हालै Dyamur international ले (कम्प्युटर बेसिक कोर्ष ) भन्ने सि.डि. सरल तरिकाले नेपाली भाषामै निकालेको रहेछ । मैले पनि धेरै कुराहरु कोठामै बसिबसि सिकिरहे छु । यदि तपाईहरुलाई पनि आवश्यक परे या जानकारि लिनु परेमा (द.कोरिया ०१०६३२९९९९६ देउकुमार सुब्बा) र नेपालमा (०१)६२११८६५ केदार राई कन्टयाक गर्नुहोला ।
मकवानपुर जिल्लाको हटिया गाविस चिसापानीमा नेकपा माओवादीका वाईसिएल कार्यकर्ता र काठ व्यापारीको बीचमा मंगलबार राति दोहोरो झडप भएको छ ।
तिन दिनदेखि नेकपा माओवादी हटिया गाविसका वाईसिएल संयोजक कृष्ण बन्जराले गाविसलाई बुझाउनु पर्ने कर नतिरेको भन्दै काठ व्यापारी निरन्जन दाहालको २ ट्रीप काठ रोकेर राखेपछि काठ व्यापारी र माओवादी बीच दोहोरो झडपको स्थिति सिर्जना भएको हो ।
मंगलबार राति भएको झडपमा माओवादी वाईसिएल कार्यकर्ताबाट काठ व्यापारी पक्षका सुवास ढकाल पिटिएको काठ व्यापारी पक्षले गरेको छ भने बुधबार विहान भएको झडपमा नेकपा माओवादी वाईसिएल कार्यकर्ता कृष्ण बन्जरा समेत घाइते भएका छन् । उनको टाउकोमा गम्भिर चोट लागेकाले हेटौंडा अस्पतालमा उपचार भैरहेको जिल्ला प्रहरी कार्यालय मकवानपुर कन्ट्रोल रुमले जानकारी दिएको छ ।
गाविसलाई बुझाउनु पर्ने प्रति क्यूफिट ५० रुपैंया कर नतिरेको भन्दै ना १ ख ५५५८ र ना १ ख ३२१४ नम्बरका २ ट्रकहरुलाई बन्जराले नियन्त्रणमा राखेका थिए । नेपाली कांग्रेस प्रजातान्त्रिकका कार्यकर्ता रहेका काठ व्यापारी निरन्जन दाहालले जिविस मकवानपुरले कृष्ण बन्जराको गाविस ठेक्का रद्ध गरेको दावी गरेको छ भने बन्जरा पक्ष्ाले त्यसलाई अस्विकार गरेको छ । हटिया गाविसमा मंगलबार रातिदेखि तनाव बढ्दै गएपछि इलाका प्रहरी कार्यालय हेटौंडा, पशुपतिनगरका प्रहरी उपरीक्षक अरुणकुमार शाहको नेतृत्वमा प्रहरी टोली परिचालन गरिएको जिल्ला प्रहरी कार्यालय मकवानपुरका एसपी रोमेन्द्रसिंह देउजाले बताउनुभएको छ । झडप पछि आफ्नो ज्यान जोगाउन भागेर हटियाको त्रिशुले पुगेका काठ व्यापारी दाहालले आफ्नो ज्यान जोगाई दिन पत्रकार समक्ष्ा अनुरोध गरेपछि पत्रकार टोली त्यस तर्फ गई प्रहरीसंग समन्वय गरी दाहाललाई उनकै घरमा सुरक्ष्ाा व्यवस्था मिलाई फर्किएका थिए ।
सुनसरी- जनतान्त्रिक तराई राष्ट्रिय मुक्ति मोर्चा ज्वाला सिंह समूहले अनौपचारिक क्षेत्र सेवा केन्द्र इन्सेकका केन्द्रीय अध्यक्ष सुबोध प्याकुरेलसहित परिवारको नाममा रहेको चार बिगाहभन्दा बढी जग्गा कब्जा गरेको छ । समूहले प्याकुरेल परिवारको जग्गामा झण्डा गाडी प्रेस विज्ञप्तिमार्फत कब्जाको घोषणा गरेको इन्सेक सप्तरीका प्रतिनिधि प्रकाश खतिवडाले बताउनुभयो । उहाँका अनुसार ज्वाला सिंह समूहले सुबोध प्याकुरेल, उहाँका भाइ सुशील र सुमन प्याकुरेलका नाममा सप्तरीको छिन्नमस्ता गाविसमा रहेको चार बिगाह ८ कठ्ठा जमिन कब्जा गरेको हो । मोर्चाले सो जग्गा किनबेचमा प्रतिबन्ध लगाएको छ । मोर्चाले अन्य व्यक्तिको पनि जग्गा कब्जा गरिरहेको जानकारी खतिवडाले दिनुभयो । यसैबीच खतिवडाले एक विज्ञप्ति जारी गरी सरकारले वार्ताका लागि पत्राचार गरिसकेको अवस्थामा मोर्चाले जग्गा कब्जालाई तीव्रताका साथ अगाडि बढाएकोमा आपत्ति जनाउनुभएको छ । उहाँले कब्जा गरिएका सम्पूर्ण जग्गा फिर्ता गर्न र वार्ताप्रति इमान्दार हुन खतिवडाले आग्रह गर्नुभएको
हेटौडा- एसएलसी उत्तिर्ण गरेको १६ वर्षपछि उच्च शिक्षा अध्ययन गर्न आउनु भएकी ज्ञानु अर्याल दङ्ग छिन् । हेटौंडा चौघडाकी ४३ वर्षीय अर्यालले १६ वर्षपछि आफ्नो अध्ययनले निरन्तरता पाउँछ भन्ने सोचेको पनि थिइनन् । आर्थिक अवस्था कमजोर भएका कारण पढ्न नपाएकी अर्याल अब पढेर कुशल शिक्षक बन्ने बताउनुहुन्छ ।
अर्याल जस्तै अहिले मकवानपुर बहुमुखी क्याम्पसमा ४० जना गृहिणीहरू अध्ययनरत छन् । क्याम्पस जाने वातावरण नमिलेर, आर्थिक अवस्था कमजोर भएर र अन्य कारणबाट अध्ययन गर्न नपाएका गृहिणीहरू अहिले बालबच्चाहरूलाई स्कुल पठाएर आफू क्याम्पसतिर लाग्ने गरेका छन् । मकवानपुरका गृहिणीहरूले इच्छा भयो भने पढ्नलाई उमेरले छेक्दैन भन्ने उखानलाई चरितार्थ गरी देखाएका छन् ।
हेटौडा नगरपालिकाकी सुमन श्रेष्ठले एसएलसी उत्तीर्ण गरेको १७ वर्षपछि क्याम्पस अध्ययन गर्न थालेकी छिन् । छोराछोरी हुर्किएपछि क्याम्पस जाने वातावरण बनेको सुमन बताउँछिन् । १२ वर्षअघि एसएलसी पास गरेकी शान्ता सापकोटा घरमा बस्दा हिन्दी सिरियल हेर्ने समय अध्ययनमा लगाएको बताउँछिन् । उनका पति क्यामपसमै कार्यरत छन् भने दुई छोरी स्कुलमा अध्ययनरत छन् । क्याम्पसले गृहिणीहरूको समय र सरल शुल्कमा अध्ययन गराउन थालेकाले धेरै गृहिणी अध्ययनतिर लागेका हुन् ।
नेपालमै पहिलोपटक गृहिणीहरूका लागि मकवानपुर बहुमुखी कयाम्पसले कक्षा सञ्चालन गरेपछि गृहिणीहरूका लागि पढ्ने अवसर जुटेको हो । कक्षा सञ्चालन गर्न क्याम्पसलाई टोल विकास संस्था, नगर समन्वय समिति र हेटौंडा नगरपालिकाले सहयोग गरेपछि गृहिणीहरू क्याम्पसमा अध्ययन गर्न थालेका छन् ।
अध्ययन गर्ने गृहिणीहरूमध्ये २० वर्षअघि एसएलसी पास गरेका पनि छन् । अब हेटौंडामा बिहान छोराछोरी दिउँसो आमा र बेलुकी बाबुहरू क्याम्पस जान थालेका छन् । क्याम्पसले गृहिणीहरूको घरधन्दालाई असर नपर्ने गरी बिहान ११ बजे देखि ३ बजेसम्म कक्षा सञ्चालन गरिरहेको छ । टोल विकास संस्था, नगर समन्वय समितिका अध्यक्ष रमेशरत्न स्थापित क्याम्पसलाई आफ्नो संस्थाले गृहिणी शिक्षाको सोचका लागि उत्प्रेरकको काम गरेको बताउँछन् । उनका अनुसार गृहिणीहरूले कूल वाषिर्क शुल्कको ३३ प्रतिशतमात्र क्याम्पसलाई बुझाउनु पर्छ । बाँकी जिल्ला विकास समिति र नगरपालिकाले व्यहोर्ने गरेको छ । यसरी एक जनालाई बाषिर्क खर्च ५ हजार मात्र लाग्दछ ।
गृहिणी कक्षा सञ्चालन नेपालमै मकवानपुर क्याम्पसले नयाँ सोच ल्याएको सहायक क्याम्पस प्रमुख बच्चुराम अधिकारीले बताउनुभयो- ‘गृहिणी शिक्षा महिला सशक्तीकरणका लागि अतिआवश्यक छ ।’ विवाहित महिलामात्र अध्ययन गर्न पाउने, पुरुष र अविवाहित युवतीले अध्ययन गर्न नपाउने व्यवस्था क्याम्पसले गरेको छ । बिहे नगरेका युवती पनि आउन सक्ने हुनाले क्याम्पसले भर्ना लिदा विवाहदर्ता प्रमाणपत्र अनिवार्य गरेको छ ।
माघे सक्रान्ती यस पाल निकै रमाईलो भयो । नेपालको पूर्वि माई किनारमा
लाग्ने माईमेला यस पाल हजारौ हजार मानिसहरुको भिड थियो ।
मेरो लागी यो मेला पहिलो पटक भएकोले केहि थाहा भएन । अरुको भनाई
अनुसार राजनितिक समस्याका कारण दिउसोमात्र लाग्ने गर्दथ्योरे तर
यस पाल भने दिउसो राती अझै पनि लागी रहेछ । पूर्वजाने बसहरु छिर्न
नसकेर आधा बाटैबाट फर्किरहेका छन । कतिमान्छे छन भन्ने मैलेत
अनुमाननै गर्न सकिन तास जुवा ढाईस जाँड रक्सि खुल्ला रुपमै छन ।
अगाडी भने माओ बादीले प्रतिबन्द लगाएको थियो रे तर मैले एउटा
भुल गरेको भिडिओ क्यामेरा लान भुलेछु । केहि फोटोहरु खिच्न पाईन
यो ब्लग हेर्दै गर्नु होला म नेपालको नयाँ खबर सहित भिडिओ पनि
अपडेट गर्ने छु ।
